Alban Hyseni edhe zyrtarisht do ta zëvendësojë Ismet Munishin në postin e trajnerit të Gjilanit deri në fund të sezonit.
Gjilani zyrtarizoi mbylljen e bashkëpunimit me Ismet Munishin, trajnerin e mirënjohur kosovar, nëpërmjet një komunikate zyrtare, raporton Demokracia.com.
LEXO EDHE: Gjilani gjen pasuesin e Ismet Munishit deri në fund të edicionit
“Kuqebardhët” në komunikatë njoftuan se Alban Hyseni do të jetë trajner i ekipit deri në fund të sezonit, duke konfirmuar lajmin e Demokracia.com gjatë ditës së hënë (sot).
“Sport Club “Gjilani” njofton se ka mbyllur bashkëpunimin me shefin e shtabit teknik Ismet Munishi. Klubi e falenderon Munishin për kontributin e dhënë duke i uruar shumë suksese në karrierën e tij sportive. Ekipin do ta drejtoj Alban Hyseni deri në fund të edicionit”, thuhet në komunikatën zyrtare të SC Gjilanit.
Alban Hyseni ishte njëri nga ndihmëstrajnerët e Gjilanit në edicionet e fundit të klubit “kuqebardhë”.
Hyseni karrierën e tij si futbollist ia kishte kushtuar vetëm Gjilanit duke mos ndërruar asnjëherë ambient dhe të njëjtën po e bën aktualisht edhe në “zehen” e trajnerit.
Gjilani pozicionohet në vendin e tretë me 55 pikë të mbledhura, nëntë më pak se lideri, Ballkani. /Demokracia.com/
