Me gjashtë vjet burgim është dënuar shoferi i autobusit nga Kosova, që u aksidentua në Slavonski Brod të Kroacisë në korrik të vitit të shkuar, ku vdiqën 10 persona.
Vendimi është marrë nga gjykata e kësaj komune. Sipas mediumit kroat “24sata”, nuk do të ketë apelim ndaj vendimit.
Shoferi e ka pranuar fajin për aksidentin, transmeton Demokracia.com.
Aksidenti kishte ndodhur më 25 korrik të vitit të kaluar, ku autobusi me targa të Kosovës u aksidentua në autostradën A3.
Fillimisht ishte spekuluar se shoferin e kishte zënë gjumi në timon, por avokati i tij e pati mohuar këtë.
Shoferi i autobusit ishte marrë në pyetje dhe ishte mbajtur në paraburgim pas aksidentit. /Demokracia.com/