Musah Hamiti, 66 vjeçar, i cili është nga Gjilani, para pak ditësh është zhdukur.

Demokracia.com nga burime brenda institucioneve të sigurisë ka mësuar se zhdukja e tij është raportuar në Policinë e Kosovës nga bashkëshortja e tij.

Musah Hamiti dyshohet se kishte me vete rreth 80 mijë franga zvicerane në momentin kur është zhdukur në rrethana ende të paqarta.

Zhdukja e tij është raportuar në Policinë e Kosovës para 6 ditësh, më 10 janar 2024.

Hamiti, siç mëson Demokracia.com, ishte liruar nga qendra e paraburgimit në Hajvali vetëm një ditë para se të zhdukej.

I zhdukuri mësohet se ka qenë në gjendje të mirë shëndetësore dhe psiqike.

Lidhur me rastin është njoftuar edhe prokurori i krimeve të rënda.

Institucionet e sigurisë janë duke i zhvilluar hetimet dhe kërkimet për gjetjen e tij. /Demokracia.com/