Në “sheshin” e ri të Prishtinës në rrugën “Xhorxh Bush” mbrëmjen e sotme janë parë vetura të parkuara.
Në rrjetet sociale janë shpërndarë fotografi në të cilën shihet veturat e parkuara.
Nga 26 nëntori e deri më 8 janar të vitit 2023 rruga “Xhorxh Bush” në Prishtinë do të qëndrojë e mbyllur për qarkullim.
Sipas njoftimit të komunës së Prishtinës, mbyllja do të bëhet për shkak të përgatitjeve për dekorimin e qytetit.
“Festat e fundvitit po afrojnë. Komuna e Prishtinës po fillon përgatitjet për dekorimin e qytetit, andaj ju njoftojmë se rruga “Xhorxh Bush”, duke filluar nga udhëkryqi i “Bill Klinton” deri në udhëkryqin e rrugës “Garibaldi”, do të jetë e mbyllur nga data 26 nëntor 2022 (duke filluar nga ora 05:00) deri më 8 janar 2023”, thuhet në njoftim.
Ndërsa pas 8 janarit kjo rrugë do të jetë e hapur vetëm për autobus.
