Në mes të vendimit të Finlandës për t’i dhënë fund neutralitetit të dekadave dhe për të kërkuar anëtarësimin në NATO, një fabrikë birre vendosi të shesë birrën me etiketën e NATO-s.
Megjithatë, një pjesë e mirë e publikut finlandez nuk e mirëpriti lëvizjen e fabrikës së birrës dhe sado që janë në favor të anëtarësimit të vendit të tyre në Aleancë, ata besojnë se rasti i birrës ka të bëjë me promovimin e alkoolizmit, i cili nuk duhet të të jetë rasti, transmeton Demokracia.com.
Nga ana tjetër, fabrika e birrës “Olaf Brewing” sqaroi se deri më tani nuk kanë ndërhyrë në politikë dhe tani shumica e finlandezëve janë pro anëtarësimit në NATO, tha për mediat CEO i kompanisë.
“Prandaj vendosëm ta bëjmë këtë hap, edhe pse në fakt nuk u desh aq shumë “vendimmarrje”, thjesht e bëmë”, tha ai.
Kanoçja e “birrës NATO” është blu, dhe mbi të është një kalorës me forca të blinduara, i cili në gjoks ka simbolin e NATO-s. Birra quhet OTAN, që është shqiptimi francez i fjalës NATO, dhe finlandisht “Unë do të kem”.
Fabrika e birrës thotë se tashmë kanë marrë një numër të madh porosish për “birrën NATO”.
Ndonëse ekspertët e marketingut thonë se kjo është një lëvizje fenomenale e fabrikës së birrës, tek e cila tashmë të gjithë do të “fiksohen”, ata paralajmërojnë edhe rregullat strikte që zbatohen në Finlandë për reklamimin e alkoolit.
Me këtë lëvizje fabrika e birrës është në zonën gri, theksojnë ata dhe të shohim ku është kufiri i “NATO-s” dhe të pimë birrë.
Po ashtu, opinione të ngjashme kanë dalë edhe në rrjetet sociale, ndaj është thirrur që të reagojë organi kombëtar përgjegjës për marketingun dhe kontrollin e alkoolit, pasi në gjithë këtë histori mund të promovohej alkoolizmi. /Demokracia.com/
A Finnish brewery Olaf Brewing is releasing a NATO beer
Its name ‘Otan olutta’ literally means ‘I’ll take/drink beer’, while the word OTAN alone is also French for NATO https://t.co/fEuHtaBvD1
— ↗️ vyrpenz ↙️ (@vyrpenz) May 16, 2022