Hailie Jade Scott Mathers, vajza e Eminem, i ka dhënë fund beqarisë, duke u fejuar me të dashurin e saj, Evan McClintock.

27-vjeçarja ka marrë një propozim romantik këtë fundjavë të cilin e ka bërë të ditur më pas në Instagram.

“Përmbledhje e rastësishme e fundjavës… 2.4.23”, ka shkruar ajo në Instagram me emoji-n e unazës. “Të dua @evanmcclintock11.”

Ajo përfshiu tre foto në postim: një nga çifti duke nxjerrë një shishe shampanjë, një foto të McClintock në gjunjë dhe duke i propozuar martesë dhe një unazë nga afër duke mbajtur një gotë shampanjë.

Çifti ambientet e jashtme të një restoranti dhe një buqetë me trëndafila të kuq vihet re e vendosur në tavolinë në foton e parë.

Dyshja nisën lidhjen në vitin 2016, por përgjithësisht e mbajnë atë larg syrit të publikut. Hailie është një influencuese e modës, ndërsa McClintock është ekzekutiv në një kompani të zhvillimit të softuerit.

Të dy u takuan në shkollën e tyre, në Universitetin Shtetëror të Miçiganit, dhe që atëherë janë bashkë.