Kryeministri i Kosovës, Albin Kurti e ka konfirmuar lajmin e Demokracia.com se në depon kryesore të rrjetit të marketeve “Viva Fresh Store” është gjetur vaj pa dokumentacion dhe se janë mbyllur dy depo.
Ky aksion për të cilin raportoi Demorkacia.com u zhvillua nga Inspektorati i Tregut i MINT në bashkëpunim me Drejtorinë për Hetimin e Krimeve Ekonomike të Policisë së Kosovës.
Burimet e Demokracia.com thanë se në këtë depo janë gjetur 100 mijë litra vaj të fshehura.
EKSKLUZIVE| Mbyllet depoja kryesore e Viva Fresh Store, u gjetën të fshehura 100 mijë litra vaj
“Pas një aksioni të Inspektoratit të Tregut dhe Policisë së Kosovës, Departamentit për hetimin e Krimeve Ekonomike, në dy depo (Fushë Kosovë dhe Graçanicë) është gjetur vaj për të cilin ka munguar dokumentacioni. 3.49 euro për një shishe vaj është rritje artificiale. Nuk e lejojmë zhvatjen. E kemi shtuar kontrollin e mbikëqyrjen dhe do t’i ndëshkojmë ata që manipulojnë e përfitojnë në emër të krizës”, ka shkruar kryeministri.