Zëvendëskryeministri i Malit të Zi, Dritan Abazoviq ka vizituar qytetin e Prizrenit.
Zëvendëskryeministri i Malit të Zi, Dritan Abazoviq është parë gjatë së martës në qytetin e Prizrenit, shkruan Demokracia.com.
Ka qenë ish-deputetja boshnjake, Emilia Rexhepi dhe ish-deputeti turk i partisë KDTP, Fidan Brina Jilta, të cilët kanë publikuar fotografi në rrjetet sociale me zëvendëskryeministrin e Malit të Zi, Dritan Abazoviq.
Politikani shqiptar ka shëtitur nëpër Prizren dhe shumë qytetarë donin të bënin fotografi me udhëheqësin e lëvizjes politike URA.
Abazoviq së fundmi i uroi Kosovës trembëdhjetë vjetorin e pavarësisë, duke reaguar ndaj kritikave të kryetarit të Tuzit, Nik Gjeloshaj se nuk i dërgoi urime Prishtinës.
Nuk dihet arsyeja e vizitës së zëvendëskryeministri të Malit të Zi në qytetin kosovar pasi që nuk ka pas ndonjë paralajmërim apo agjendë zyrtare. /Demokracia.com/