Ferizaj e ka siguruar edhe matematikisht rikthimin në Superligën e Kosovës në futboll.
Skuadra që po drejtohen nga trajneri, Arbnor Morina siguruan titullin e kampionit në Grupin B të Ligës së Parë, pas humbjes 3:0 në tavolinë të Vushtrrisë, shkruan Demokracia.com.
Drita, nënkampionia e Kosovës në fuqi nëpërmjet faqes zyrtare të klubit e ka uruar Ferizajn për këtë rikthim.
Gjilanasit i kanë dëshiruar suksese në edicionin e ri në mesin e ekipeve më të mira të futbollit në Kosovë.
Postimi i plotë:
Welcome back KF FERIZAJ
Klubi ynë FC DRITA uron KF FERIZAJ për rikthimin në Superligën e Kosovës.
Tashmë ekipi nga Ferizaj edhe matematikisht ka siguruar Superligën dhe vitin e ardhshëm do të jetë pjesë e garave në elitën e futbollit kosovar.
FC DRITA i dëshiron rrugëtim të mbarë dhe suksese në kampionatin e ri.
FC DRITA./Demokracia.com/