Ministria e Punëve të Jashtme, që drejtohet nga Donika Gërvalla-Schwarz, po vazhdon të rehatojë në pozita të rëndësishme njerëzit lojalë të ministres.
Së fundmi, Gërvalla- Schwarz e ka rehatuar si shef të misionit konsullor të Kosovës në Zvicër, një prej njerëzve më të besueshëm të saj, Vigan Berishën, që deri tani kishte punuar si zyrtar sinjalizues.
Konsullata e Cyrihut është misioni më i madh i Republikës së Kosovës në botë sa i përket ofrimit të Shërbimeve Konsullore.
Demokracia.com ka siguruar vendimin për emërimin e tij.
“z.Vigan Berisha, me gradën diplomatike Këshilltar, emërohet Shef i misionit konsullar në Konsullatën e Republikës së Kosovës në Cyrih/ Konfederata e Zvicrës, me mandat 4 vjeçar”, thuhet në vendimin që e ka siguruar Demokracia.com.
Në vendimin e nënshkruar nga ministrja Gërvalla- Schwarz thuhet se Berisha do të fillojë punën me 1 dhjetor të këtij viti.
Berisha vetëm dy muaj më parë e kishte marrë gradën diplomatike: Këshilltar.
Demokracia.com kishte raportuar edhe për gradimin e tij të dyshimtë.
Berisha para ca kohësh me para të shtetit e kishte ndjekur edhe një kurs bazik të gjuhës angleze./ Demokracia.com/
DOKUMENTE| Diplomatët e privilegjuar të Gërvallës, mbajnë kurse për ta mësuar anglishten bazike
