Presidenti serb Aleksandar Vuçiq ka deklaruar se ka pasur një bisedë të sinqertë dhe të ndershme me përfaqësuesin special të Bashkimit Evropian për dialogun ndërmjet Kosovës dhe Serbisë, Miroslav Lajçak dhe të dërguarin amerikan për Ballkanin Perëndimor, Gabriel Escobar.
“Një bisedë e sinqertë dhe korrekte me përfaqësuesin special të BE-së Miroslav Lajçak dhe të dërguarin e SHBA-së Gabriel Escobar”, ka shkruar Vuçiq në Instagram.
Lajçak dhe Escobar kanë qenë dje në Kosovës, ku kanë biseduar me kryeministrin e Kosovës, Albin Kurti, rreth zhvillimeve të fundit në veri e më gjerë.
View this post on Instagram
