Kryeministri Albin Kurti po qëndron në Gjermani, ku po merr pjesë në Konferencën e Partisë Socialiste Gjermane.
Pjesë e kësaj konference ishte edhe kancelari gjerman, Olaf Scholz.
Kurti pas konferencës publikoi një postim në Facebook me disa fotografi, shkruan Demokracia.com
Siç duket nga fotot e publikuara, Kurti nuk është përshëndetur fare me kancelarin gjerman.
Zgjedhjet evropiane të 9 qershorit, janë vendimtare për të ardhmen, sigurinë dhe prosperitetin në kontinentin…
Posted by Albin Kurti on Sunday, May 5, 2024
Kancelarit gjerman duket se s’i ka bërë shumë përshtypje pjesëmarrja e Kurtit në konferencë.
Pesë ditë më parë, Kurti e Scholz patën një bisedë telefonike, ku kancelari gjerman i kërkoi hapa konkretë kryeministrit të Kosovës sa i përket Asociacionit.
Në një deklaratë për media nga qeveria atje u tha se kancelari gjerman theksoi “mbështetjen e qeverisë gjermane për integrimin evropian të Kosovës dhe rikujtoi rëndësinë e dialogut të ndërmjetësuar nga BE-ja ndërmjet Kosovës dhe Serbisë dhe zbatimin e plotë të Marrëveshjes së Ohrit”.
Në këtë deklaratë u përmend edhe Asociacioni, si çështje që u diskutua nga Kurti dhe Scholz.
“Kancelari përshëndeti zbatimin e vendimit të Gjykatës Kushtetuese të Kosovës për Manastirin e Deçanit. Ai nënvizoi rëndësinë e hapave konkretë drejt themelimit të Asociacionit të Komunave me Shumicë Serbe nga autoritetet e Kosovës, edhe në kuadër të aplikimit të Kosovës për anëtarësim në Këshillin e Evropës.”, u tha në deklaratë.
Ndryshe, kryeministri Kurti në fund të muajit të kaluar ishte për një vizitë në Gjermani, por ai u takua me ministren e jashtme, Annalena Baerbock dhe jo me kancelarin Scholz.
DW raportoi se Gjermania, sikurse edhe Franca dhe SHBA, po kërkojnë që Kosova të bëjë hapa përpara në krijimin e Asociacionit të komunave me shumicë serbe, për të mbështetur kandidaturën e Kosovës për anëtarësim në Këshillin e Evropës, çka do të trajtohet në mbledhjen e ardhshme të ministrave të Këshillit të Evropës./Demokracia.com/