Roma po vazhdon fazën përgatitore në prag të sezonit të ri 2022/23 në grumbullimin në Albufeira, në Portugali.

Verdhekuqtë do të luajnë këtë fundjavë kundër Nice-s për testin e radhës që Jose Mourinho ka organizuar për të vlerësuar gjendjen e lojtarëve para ndeshjes hapëse të skuadrës në Serinë A kundër Salernitanas.

Megjithatë, kjo e premte, nuk ka qenë një ditë si gjithë të tjerat. Ka patur një moment ndryshe gjatë seancës stërvitore në grumbullimin e Romas në Portugali.

Mourinho ka takuar një çift tifozësh luzitanë dhe pasi ka bërë një fotografi me ata, djaloshi e ka ftuar të qëndronte pak me ata: Special One ka pyetur pse dhe pak momente më mbrapa ka qenë dëshmitar i një propozimi për marteesë.

Ky tifoz portugez i Roma-s e ka çuar të fejuarën e tij të ndjekë stërvitjen e skuadrë ssë zemrës dhe, me sa duket, kishte në mendje një program të saktë.

Pasi ka bërë fotografinë me trajnerin e verdhekuqve, ai i ka kërkuar dorën partneres së tij pikërisht para stafit teknik që e ka pritur me shumë entuziazëm një moment të bukur dhe të pazakontë në grumbullimin e një skuadre futbolli. /Demokracia.com

Meeting Jose Mourinho really gave this fan the courage to go for it all! 💍
#ASRoma pic.twitter.com/73AsVYqTcQ

— AS Roma English (@ASRomaEN) July 22, 2022