Trajneri i Ballkanit, Ilir Daja ka folur në një konferencë për media në Rumani, një ditë para përballjes së rrethit të fundit në fazën e grupeve në Ligën e Konferencës.
CFR Cluj dhe Ballkani do të përballen të enjten me fillim nga ora 18:45 në Rumani.
Tekniku shqiptar, Ilir Daja ka konfirmuar mungesën e Ermal Krasniqit për shkak të lëndimit.
“Edhe ne kemi mungesat tona. Një nga to është edhe e Ermal Krasniqit. Ai nuk udhëtoi me në për shkak të lëndimit që pësoi në ndeshjen e fundit me Slavia Prahën”, ka thënë Daja në konferencë, raporton Demokracia.com.
Ballkani është pa gjasa tanimë për kalim tutje, duke u pozicionuar me katër pikë në vendin e fundit. Cluj ka shtatë pikë në vendin e dytë, po aq sa Slavia Praha në pozitën e tretë.
Grupit i prin Sivasspori me 10 pikë të grumbulluara./Demokracia.com/