Te Lazio njerëzit nuk janë të kënaqur me mënyrën se si Club Brugge u soll në rastin e Muriqit.

Club Brugge ishte gati të transferonte Vedat Muriqin, por në momentet e fundit anuloi gjithçka. Tani Lazio kërcënon ta dërgojë këtë çështje në FIFA.

Muriqi tashmë kishte udhëtuar drejt Belgjikës dhe iu nënshtrua testeve mjekësore në Blauw-Zwart, shkruan Gazeta Express.

Mirëpo, pas atyre testeve mjekësore, Club Brugge vendosi të mos e transferojë me Muriqin. Sipas tyre, sulmuesi kosovar nuk i kishte kaluar me sukses testet mjekësore.

Por, sipas presidentit të Lazios, Claudio Lotito, Muriqi nuk ka asnjë problem fizik. Sipas tij, Club Brugge nuk tregoi drejt dhe nuk donte më të jepte shumën e transferimit prej 11 milionë eurosh.

Lotito dhe Lazio tani po kërcënojnë të shkojnë në FIFA, sipas mediave italiane.

Ekipi italian vlerëson se Club Brugge veproi pa kujdes dhe i shkaktoi dëm Lazios. Ai tani shpreson për kompensim nga Club Brugge.