Këshilltari i Lartë në Departamentin Amerikan të Shtetit, Derek Chollet, ka biseduar sot me kryeministrin e Maqedonisë së Veriut, Dimitar Kovaçevski.

Chollet nëpërmjet një postimi në rrjetin social “Twitter”, ka falënderuar kryeministrin dhe udhëheqësin maqedonase për organizimin dhe mikpritjen e tyre, me rastin e takimit për dialog mes kryeministrit Albin Kurti dhe presidentit serb, Aleksandër Vuçiq, në Ohër, me ndërmjetësim të BE-së.

Great phone call with PM @DKovachevski to thank North Macedonia again for their leadership and hospitality hosting the EU-Facilitated Dialogue between Serbia and Kosovo.

— Derek Chollet (@CounselorDOS) March 24, 2023

Chollet dje tha se Kosova tani është më afër se kurrë drejt të ardhmes së saj në BE, pas bisedës telefonike që zhvilloi me kryeministrin Albin Kurti, duke e uruar të parin e Qeverisë për marrëveshjen e arritur në Ohër për normalizimin e marrëdhënieve mes Kosovës dhe Serbisë.