Kryeministri i vendit, Albin Kurti, në fjalën e tij në seancën e Kuvendit ka vazhduar sulmet ndaj Prokurorisë, pas arrestimit të kryeshefit të KEK-ut, Nagip Krasniqi.
Duke iu përgjigjur deputetes së LDK-së, Hykmete Bajramit, Kurti tha se Blerim Isufaj e di që “me mua s’bëhet pazar, prandaj s’ka ardhur të unë”, duke pretenduar që në të kaluarën janë dekretuar me shantazhe në sistemin e drejtësisë.
Megjithatë, Kurti harroi se vetëm pak ditë më parë u raportua për një takim të realizuar mes shefit të AKI-së me kryetaren e Gjykatës Kushtetuese, të ndodhur në ditën e fundit të marsit 2023.
Aty, sipas Paparacit, shefi i inteligjencës i kishte dorëzuar kryegjyqtares kushtetuese një memo me elemente të dyshuara shantazhuese për gjyqtarët e Gjykatës Kushtetuese.
Sipas të dhënave, memo-ja përmbante të dhëna për gjyqtarët kushtetues se kinse janë të përfshirë në krim dhe po shantazhohen nga jashtë me qëllim që të merret një vendim për ta rrëzuar presidenten e Kosovës, Vjosa Osmani.
“E falënderoj deputeten Bajrami që tregoj se qysh ia kanë ba këta në të kaluarën, e cila tha se ‘nëse kish dashtë Blerim Isufaj që të bëhej Kryeprokuror do të vinte me dosjen e Nagip Krasniqit për të negociuar postin e Kryeprokurorit’, por nuk vjen se din që unë nuk e negocioj”, ka thënë Kurti. /Demokracia.com/