Duke filluar nga data 1 mars, doza përforcuese do të jetë e detyrueshme në Belgjikë, vetëm pas 6 muaj pas marrjes së dozës së dytë. Deri më tani vetëm 53% e popullsisë belge ka marrën dozën e tretë të vaksinës.

Sipas informacioneve, numri i rasteve dhe shtrimet në spital për shkak të Omicron janë të qëndrueshme.  Gjithashtu edhe sipas  Institutit të Shëndetit Publik, Sciensano, gjatë një javë, numri mesatar i shtrimeve në spital ishte 271 (një rritje prej 43% në krahasim me javën e kaluar). Gjithsej 2,851 persona janë të shtruar në spitale në Belgjikë, nga të cilët 364 janë të shtruar në njësinë e kujdesit intensiv (një rënie prej 11% në krahasim me javën e kaluar), shkruan abcnews.al.

Midis 12 dhe 18 janarit, numri mesatar i rasteve ditore  ishte 35,975 (një rritje prej 49% në krahasim me javën e kaluar). Në të njëjtën javë, mesatarisht 22.1 njerëz humbën jetën gjatë 24 orëve (një rritje prej 10% në krahasim me javën e kaluar). Përqindja e të vaksinuarve plotësisht është 76.7%.

Belgjika ka regjistruar 2,697,239 raste dhe 28,780 viktima që nga fillimi i pandemisë.