Deputeti i Vetëvendosjes, Armend Muja tha se shumë shpejt do të filloj të shqyrtohet mundësia për tu faturuar pjesa veriore e Kosovës.
I ftuar në “Context”, Muja ka thënë se se është duke u punuar intensivisht prej muaji maj.
“Sa i përket veriut është një keqkuptim. Në vitin 2014 ZRRE merr vendim që KEDS-it t’ia heq barrën e faturimit në veri. Në vitin 2017 ZRRE vendos që përgjegjësinë për pagesën e energjisë të ia jap KOST-it”, tha Muja.
“Është punuar prej majit, është punuar intensivisht për këtë çështje. Përgjigjen për faturimit të veriut duhet ta jap ZRRE por unë kam informacione që së shpejti do të filloj të trajtohet edhe kjo çështje”, tha ndër të tjerash deputeti i VV-së.
