Arkitektja me origjinë iraniane, Apameh Schonauer, u kurorëzua “Miss Gjermania” për edicionin e këtij viti të konkursit të bukurisë.

Kur Schonauer u shpall fituese në eventin e së shtunës ajo doli në skenë me një buzëqeshje të madhe në fytyrën e saj.

Schonauer u lind në Iran dhe emigroi me familjen e saj në Gjermani kur ishte vetëm gjashtëvjeçare.

Ajo tha se vitet e para të të jetuarit në një vend të huaj ishin mjaft të vështira, arkitektja potencoi gjithashtu se e kishte vështirë të përshtatej me rrethin në shkollë.

Në skenë, Schonauer deklaroi se dëshiron të avokojë për gratë e reja sikurse ajo, të cilat po përballen me vështirësitë e të qenit emigrante në Gjermani.