Një ditë pas formimit të Komisionit Parlamentar të propozuar nga opozita, i cili do të hetonte edhe punësimet në Korporatën Eenergjetike të Kosovës, konkursi i kësaj ndërmarrje përmes së cilit u punësuan dhjetëra përkrahës të Lëvizjes Vetëvendosje, është anuluar.
Lidhur me këtë, ka reaguar nënkryetarja e PDK-së, Vlora Çitaku përmes një shkrimi në Facebook, ku ka thënë se rezultatet e themelimit të komisionit, tashmë po vërehen, përcjell Demokracia.com.
“Rezultatet e themelimit të Komisionit Hetimor Parlamentar tashmë po vërehen. Vetëm një ditë pas themelimit të komisionit, KEK-u anuloi konkursin përmes së cilit u punësuan shumë militantë të VV-së”, ka shkruar nënkryetarja e PDK-së.
Demokracia.com kishte raportuar për këto punësime, ku personat që u rehatuan nëpër pozita, haptas e kishin shprehur përkrahjen për LVV-në.
FOTO| Në “llupe” të Komisionit Hetimor edhe të punësuarit në KEK, këta janë disa emra të rinj
Vlen të theksohet, se edhe Prokuroria Themelore e Prishtinës kishte nisur hetime për këto punësime./Demokracia.com/
