Ambasadori i Britanisë së Madhe në Kosovë, Nicholas Abbott ka reaguar pas sulmit fizik ndaj djalit të ish-ministrit Nenad Rashiq.
Abbot në një postim në Facebook e ka quajtur sulmin të papranueshëm, duke kërkuar njëherësh hetime lidhur me zbardhjen e rastit, përcjell Demokracia.com.
“Lajmi për sulmin ndaj djalit të Nenad Rashiq është neveritës pavarësisht motiveve të mundshme. Dhuna e tillë, qoftë fizike apo verbale, është e papranueshme ndaj askujt, por është veçanërisht tronditëse ndaj një personi të ri. Unë kërkoj që Policia e Kosovës të hetojë shpejt këtë incident dhe të gjejë ata që nxitën dhe morën pjesë në këtë incident”, ka thënë Abbott.
Ndryshe, Policia e Kosovës për Demokracia.com ka konfirmuar se lidhur me këtë rast, deri tani janë arrestuar tetë persona./Demokracia.com/
