Janë raportuar gjashtë (6) raste të dhunës në familje brenda 24 orëve në Kosovë.
Policia e Kosovës ka njoftuar se janë raportuar gjashtë raste të dhunës në familje, brenda 24 orëshit të fundit në Kosovë.
Mbrëmë në Prishtinë është arrestuar një burrë, pasi që i njëjti ka ushtruar dhunë ndaj gruas së tij dhe me vendim të prokurorit është dërguar në mbajtje.
“Prishtinë 03.04.2021 – 22:20. Është arrestuar i dyshuari mashkull kosovar, pasi që i njëjti ka ushtruar dhunë ndaj bashkëshortes së tij viktimës femër kosovare. Me vendim të prokurorit, i dyshuari është dërguar në mbajtje”, thuhet në njoftim.
Në mbrëmjen e 4 prillit rreth orës 21:30 në Prishtinë një grua është sulmuar fizikisht nga burri i saj, transmeton Demokracia.com.
I dyshuari vuan nga çrregullimet mendore, sipas të dëmtuarës, ndërsa i njëjti është dërguar në QKUK në Klinikën e Psikiatrisë, ku më pas është ndaluar për trajtim. Me vendim të prokurorit rasti shkon në procedurë të rregullt.
“Prishtinë 03.04.2021-21:30. Viktima femër kosovare ka njoftuar se djali i saj e ka sulmuar fizikisht. Sipas viktimës i dyshuari vuan nga çrregullimet mendore dhe i njëjti është dërguar në QKUK në kliniken Psikiatrike ku është ndalur për trajtim. Me vendim të prokurorit rasti shkon në procedurë të rregullt”, thuhet në njoftimin e Policisë.
Në Bresje të Fushë Kosovës mbrëmë rreth orës 19:00 është arrestuar një burrë, pasi që I njëjti pas mosmarrëveshjes me familjarët e tij i ka maltretuar ata.
Me vendim të prokurorit I dyshuari është dërguar në mbajtje.
“Brejse ,Fushe Kosove, 04.04.2021-19:04. Është arrestuar i dyshuari mashkull kosovar pasi qe i njëjti pas një mosmarrëveshje , ka maltretuar familjaret e tij. Me vendim te prokurorit i dyshuari dërgohet ne mbajtje”, thuhet në njoftim.
Dje në Prishtinë rreth orës 16:00 një grua ka raportuar se është kërcënuar nga bashkëshorti i saj.
“Ulpiane, Prishtinë, 04.04.2021-16:00. Viktima femër shtetase e huaj, ka raportuar se pas një mosmarrëveshje është kërcënuar nga bashkëshorti i saj i dyshuari mashkull kosovar”, thuhet në njoftim.
Në Prizren në mesnatën e 4 prillit një grua është sulmuar fizikisht nga burri i saj.
Viktima ka marrë tretman mjekësor, ndërsa i dyshuari gjendet në arrati.
“Prizren 04.04.2021-02:00. Viktima femër kosovare ka njoftuar se pas një mosmarrëveshje është sulmuar fizikisht nga i burri i saj i dyshuari mashkull kosovar. Viktimës iu është ofruar tretman mjekësor. I dyshuari gjendet në arrati”, thotë njoftimi.
Dje rreth orës 12:00 në Suharekë është arrestuar një burrë, pasi që I njëjti kishte sulmuar fizikisht nënën e tij dhe njëkohësisht ka kërcënuar babain e tij, duke i dëmtuar edhe veturën me mjet të fortë.
Me vendim të prokurorit i dyshuari u dërgua në mbajtje.
Suharekë 04.04.2021-11:40. Është arrestuar i dyshuari mashkull kosovar, pasi që i njëjti kishte sulmuar fizikisht nënën e tij viktimën femen kosovare duke i shkaktuar lëndime të lehta dhe njëkohësisht e kishte kanosur verbalisht edhe babin mashkull kosovar, duke ia dëmtuar edhe veturën me mjet të fortë. Me vendim të prokurorit i dyshuari dërgohet në mbajtje./Demokracia/