Ministrja e Arsimit, Shkencës, Teknologjisë dhe Inovacionit, Arbërie Nagavci, për të cilën Gjykata Kushtetuese e Kosovës ka konstatuar se e ka shkelur Kushtetutën, po vazhdon shkeljet edhe më tej.
Organizata me të cilën bashkëpunon Valdrin Dervishaj, këshilltar i Arbërie Nagavcit, ka marrë mbështetje financiare nga kjo ministri.
Organizata “Educations Innoivators Kosova” ka përfituar 15 mijë e 898 euro nga MASHTI, shkruan Demokracia.com.
Dervishaj është i angazhuar si mentor në këtë organizatë.
Për më tepër, kjo organizatë në një postim e kishte lavdëruar Dervishajn si një njeri që po jep kontribut të madh në përmirësimin e kushteve dhe cilësisë së edukimit formal si këshilltar në Ministrinë e Arsimit, Shkencës dhe Teknologjisë.
Demokracia.com ka dërguar pyetje në Ministrinë e Arsimit, por ata deri në momentin e publikimit të shkrimit nuk janë përgjigjur.