Drejtori Gjeneral i Drejtoratit të KE-së për Politikat Evropiane të Fqinjësisë dhe Negociatat e Zgjerimit, Gert Jan Koopman, do ta vizitojë këtë javë Ballkanin Perëndimor.

Koopman vizitën e tij do ta nisë në Serbi teksa do ta vizitojë edhe Kosovën.

“Mezi pres të kem shkëmbime të mira me bashkëbiseduesit kryesorë për të përmirësuar më tej bashkëpunimin tonë me Ballkanin Perëndimor dhe për ta çuar rajonin përpara në rrugën e tij drejt BE-së”, ka shkruar holandezi.