Rusia ka rekrutuar më shumë se 130,000 mercenarë të rinj në ushtrinë e saj, tha një zyrtar perëndimor.

“Ne mendojmë se ka një mundësi realiste që këta mercenarë të dërgohen në Ukrainë, edhe pse Ministria e Mbrojtjes ruse ka thënë se vetëm ushtarë profesionistë do të shkojnë në Ukrainë,” paralajmëron zyrtari perëndimor, shkruan skynews.

Zyrtari përsëriti gjithashtu paralajmërimin e Ministrisë së Mbrojtjes të Mbretërisë së Bashkuar disa ditë më parë se Rusia po ri-dislokon disa nga forcat e saj nga Gjeorgjia, të cilët kanë qenë atje që nga viti 2008, për të përforcuar pushtimin në Ukrainë.

“Ne nuk mendojmë se kjo ishte e planifikuar, është një gjë shumë e çuditshme për ushtrinë ruse, kështu që ne presim që të jetë tregues i problemeve që ata kanë në Ukrainë”, thanë ata.