Ndeshja e javës së 27-të kampionale mes Gjilanit dhe Ballkanit është suspenduar zyrtarisht.
Dueli ndërmjet Gjilanit dhe Ballkanit është ndërprerë me vendim final të gjyqtarit kryesor Genc Nuza në minutat shtesë të takimit (1-1), ka njoftuar SC Gjilani, përcjell Demokracia.com.
Fatin e kësaj sfide do ta marrin organet e Federatës së Futbollit të Kosovës.
Ndeshja u ndërpre në minutat shtesë kur tifozët e Gjilanit gjatë festës së golit të minutës së tretë shtesë u futën në fushë dhe sulmuan portierin mysafirë, Stivi Frashërin.
Frashëri si pasojë e lëndimeve nga sulmi i tifozëve u dërguar me urgjencë në spital, ndërsa raportohet se gjendja e tij tashmë është stabile./Demokracia.com/