Vëllaznimi ka emëruar në krye të shtabit teknik trajnerin e njohur kosovar, Gani Sejdiun.

Trajneri mitrovicas do të drejtojë skuadrën gjakovare në sezonin 2022/23, shkruan Demokracia.com.

Lajmin e ka bërë të ditur faqja zyrtare e Vëllaznimit në rrjetet sociale.

“Gani Sejdiu – kryetrajner i Vëllaznimit. KF Vëllaznimi ka arritur marrëveshje me Gani Sejdiun që ta udhëheqë klubit për sezonen 2022/23”, thuhet në njoftimin zyrtar.

Gani Sejdiu edhe më herët ishte pjesë e Vëllaznimit si shef i shtabit teknik.

Vëllaznimi në vitet e fundit bën gara në Ligën e Parë të Kosovës./Demokracia.com/