Cristiano Ronaldo do të largohet nga Manchester United me efekt të menjëhershëm, shkruan Demokracia.com.

Lajmin e ka bërë të ditur klubi anglez nëpërmjet një komunikate të lëshuar në uebfaqen zyrtare.

“Cristiano Ronaldo do të largohet nga Manchester United me marrëveshje të përbashkët, me efekt të menjëhershëm. Klubi e falënderon atë për kontributin e tij të jashtëzakonshëm në dy periudha në Old Trafford, duke shënuar 145 gola në 346 paraqitje dhe i uron atij dhe familjes së tij mirë në të ardhmen”, thuhet në njoftimin e klubit anglez.

Cristiano Ronaldo is to leave Manchester United by mutual agreement, with immediate effect.

The club thanks him for his immense contribution across two spells at Old Trafford.#MUFC

— Manchester United (@ManUtd) November 22, 2022

Deri te ky vendim erdhi për shkak të deklaratave të Cristiano Ronaldos duke akuzuar klubin për “tradhti”.

Gjatë intervistës në fjalë, ylli portugez madje kishte deklaruar se nuk e respekton fare trajnerin Erik ten Hag.

37-vjeçari u rikthye te “Djajtë e Kuq” në vitin 2021 nga Juventusi./Demokracia.com/