Zyra e Presidentes së Kosovës ka dhënë një tender për furnizim me kompjuterë e llaptopë.  Për blerjen e tyre do të shpenzohen 37 mijë euro.

Disa kompjuterë e llaptopë të rinj shumë shpejt do të zënë vend në zyrat e Presidentes së Kosovës.

Blerja e tyre tashmë është bërë përmes një tender publik, shkruan Demokracia.com.

Për këtë furnizim janë shpenzuar 37 mijë euro të buxhetit të shtetit. Kontrata mes kompanisë fituese dhe Presidencës është nënshkruar sot.

“Furnizim me Kompjuter dhe Llaptop për nevojat e ZPRK-së. Data e dhënies së kontratës   03.04.2025. Data e planifikuar e nënshkrimit të kontratës 04.04.2025. Numri i tenderëve të pranuar: 4. Emri dhe adresa e operatorit ekonomik, të cilit i është dhënë kontrata InterAdria L.L.C. Vlera e përgjithshme e kontratës 36,948.96 euro”, thuhet në njoftimin e shpallur.

Në dosjen e tenderit janë dhënë edhe specifikat konkretë për kompjuterë e llaptopë.

Po ashtu është treguar se këto pajisje janë te reja secila ka garancion nga tri vjet./Demokracia.com/.