Zyra e BE-së në Kosovë përmes një njoftimi ka ripërsëritur kërkesën për formimin e shpejtë të institucioneve të vendit, si dhe zgjedhjen e presidentit.

Zyre e BE-së në një postim të publikuar në llogarinë zyrtare në Twitter, ka njoftuar për një takim të Tomas Szunyog me kreun e AAK-së, Ramush Haradinaj, përcjell Demokracia.com.

Në këtë postim mes tjerash është thënë se ëshët shumë e rëndësishme të formohet sa më parë qeveria dhe të zgjedhet presidenti.

“Ambasadori i BE-së në Kosovë pati një bisedë të mirë me Ramush Haradinajn. Është e rëndësishme që të formohet qeveria dhe presidenti të zgjedhet sa më shpejtë. Është në interesin e të gjitha partive politike që ta kenë të mundur progresin në rrugën evropiane si dhe në normalizimin e plotë të raporteve me Serbinë”, thuhet në komunikatën e BE-së.

@EUAmbKS had a good conversation with @haradinajramush . It is important to form a government and to elect president quickly. It is in interest of all political parties to be able to progress on the European path and on full normalization of relations with Serbia. pic.twitter.com/eAlDmVsOSE

— European Union in Kosovo (@EUKosovo) February 20, 2021

Vlen të theksohet se fituese e zgjedhjeve të 14 shkurtit, sipas rezultateve të deritanishme të publikuara nga KQZ, është Lëvizja Vetëvendosje, pasuar nga Partia Demokratike e Kosovës dhe Lidhja Demokratike e Kosovës./Demokracia.com/