Lidhja Demokratike e Kosovës sot zgjedh kryetarin e ri.
Lidhja Demokratike e Kosovës sot do të mbajë Kuvendin Zgjedhor, ku do të zgjedhë kryetarin e ri dhe kryesinë.
Ky kuvend do të fillojë në orën 10:00, kurse në rend dite janë vetëm dy pika, shkruan Demokracia.com.
Në pikën e parë të rendit të ditës në një prej takimeve më të rëndësishme për LDK-në, do të zgjidhen trupat punuese të Kuvendit, derisa në pikën e dytë të rendit të ditës do të jetë zgjedhja e kryetarit të ri të Lidhjes Demokratike të Kosovës që do ta pasojë Isa Mustafën, kryetarin e deritanishëm të LDK-së.
Në Kuvendin zgjedhor të LDK-së pritet të marrin pjesë rreth 350 delegatë të kësaj partie, ndërsa deri më tash kanë shpallur kandidaturat e tyre Anton Quni, Lutfi Haziri, Lumir Abdixhiku dhe Besian Mustafa. /Demokracia/