Ministri në detyrë i Shëndetësisë, Armend Zemaj dhe Ministri i Shëndetësisë së Izraelit, Yuli Edelstein, gjatë së mërkurës kanë zhvilluar një takim virtual për gjendjen e pandemisë në Kosovë dhe sigurimin e vaksinës anti-COVID.

Zemaj përmes një postimi në rrjetin social Facebook ka thënë se gjatë takimit është diskutuar për gjendjen e pandemisë në Kosovë, përkushtimin dhe sfidat si dhe siç shkruan Zemaj edhe për bashkëpunimin në mes të dy vendeve në sektorin e shëndetësisë, shkruan Demokracia.com.

“Ishte kënaqësi e jashtëzakonshme takimi virtual me Ministrin e Shëndetësisë së Izraelit, Yuli Edelstein të diskutoja për gjendjen e pandemisë në shtetin tonë, përkushtimin, të arriturat dhe sfidat tona si dhe bashkëpunimin në mes të dy vendeve në sektorin e shëndetësisë. Andaj, edhe sot, brengat tona i trajtuam në pajtim me situatën e pandemisë, luftimin dhe parandalimin virusit si dhe angazhimin tonë në sigurimin e vaksinave anti-COVID”, shkruan Zemaj.

Kujtojmë se Kosova dhe Izraeli ditë më parë kanë lidhur edhe marrëveshje diplomatike në mes të dyja vendeve.

Postimi i plotë i Zemaj, pa ndërhyrje:

Ishte kënaqësi e jashtëzakonshme takimi virtual me Ministrin e Shëndetësisë së Izraelit, z. Yuli Edelstein të diskutoja për gjendjen e pandemisë në shtetin tonë, përkushtimin, të arriturat dhe sfidat tona si dhe bashkëpunimin në mes të dy vendeve në sektorin e shëndetësisë.

Republika e Kosovës është e bekuar me miqësinë e popullit dhe shtetit të Izraelit, i cili ishte përkrah qytetarëve tanë në kohën kur na kanosej ekzistenca, ashtu sikur që ne mbajtëm besën në kohët e vështira kur kombet tjera ishin të pabesë ndaj tyre.

Andaj, edhe sot, brengat tona i trajtuam në pajtim me situatën e pandemisë, luftimin dhe parandalimin virusit si dhe angazhimin tonë në sigurimin e vaksinave anti Covid.

Bashkëpunimi do të jetë i plotë, andaj edhe shpreha falënderim për Ministrin, z. Yuli Edelstein për këtë gatishmëri./Demokracia.com/

https://www.facebook.com/zemajarmend/posts/291180362363830