Presidenti i Ukrainës, Volodymyr Zelensky është takuar me Papa Leo XIV pas meshës së tij të inaugurimit.

Papa ofroi Vatikanin si një vend për të diskutuar mbi paqen midis Ukrainës dhe Rusisë.

“Autoriteti dhe zëri i Selisë së Shenjtë mund të luajnë një rol të rëndësishëm në përfundimin e kësaj lufte”, tha Zelensky.

“Falënderojmë Vatikanin për gatishmërinë e tij për të shërbyer si një platformë për negociatat e drejtpërdrejta midis Ukrainës dhe Rusisë. Ne jemi gati për dialog në çdo format për hir të rezultateve të prekshme. Ne vlerësojmë mbështetjen për Ukrainën dhe zërin e qartë në mbrojtje të një paqeje të drejtë dhe të qëndrueshme”, tha ai.