Presidenti i Ukrainës, Volodymyr Zelensky ka publikuar fotografi nga zona të ndryshme të shtetit ku shihet shkatërrimi që i ka bërë Rusia.

Në ditën e 54 të agresionit rus, presidenti ukrainas, Volodymyr Zelensky sot në profilin e tij zyrtar në rrjetin social Facebook, ka publikuar fotografitë e shkatërrimeve që janë shkaktuar si pasojë e agresionit rus në Ukrainë.

Sipas presidentit ukrainas, këto shkatërrime e kanë kthyer Ukrainën 80 vite prapa, transmeton Demokracia.com.

“Okupatorët do të përgjigjen për gjithçka që i kanë bërë Ukrainës. Do të përgjigjen për Buchan, Kramatorskun, Volnovakhi, Okhtyrska, Hostomelin e Borodyankun. Për Izyumin dhe Mariupolin dhe të gjitha qytetet në Ukrainë që janë kthyer 80 vite pas”, ka shkruar Zelensky.

Ndërkaq, Ministria e Mbrojtjes në Ukrainë në profilin zyrtar në rrjetin social Twitter, ka shpërndarë mesazhin e presidentit të këtij shteti evropian.

?@ZelenskyyUa:
The occupiers will be responsible for everything they did in Ukraine. For everything they did to Ukrainians. They will be responsible for Bucha, Kramatorsk, Volnovakha, Okhtyrka. For Hostomel and Borodyanka.

— Defence of Ukraine (@DefenceU) April 17, 2022

Gjatë ditës së sotme, ushtria ruse ka vazhduar sulmet ajrore kryesisht në pjesën lindore të Ukrainës, kurse shpërthime të fuqishme pati edhe sot në Kiev. /Demokracia.com/