Misteri se pse Ferran Torres veshi fanellën pa logo të Barcelonës tani është zgjidhur.

Tifozët mbetën të hutuar të enjten mbrëma kur Torres luajti me një fanellë që nuk kishte stemën e klubit të Barcelonës apo logon Nike për pjesën e dytë të ndeshjes së tyre në Ligën e Evropës kundër Napolit.

Për t’i bërë gjërat më konfuze, Torres e kishte luajtur pjesën e parë të ndeshjes me një fanellë krejtësisht normale.

Tifozët u lanë të spekulonin për arsyen e veshjes së pazakontë të Torres, por tani ka dalë një shpjegim mjaft i zakonshëm.

Sipas botimit spanjoll AS , fanella e pazakontë ishte thjesht rezultat i një gabimi printimi, sesa një lloj proteste kundër klubit dhe prodhuesit të tij, përcjell Demokracia.com.

Gabimi kaloi pa u vënë re nga stafi i Barcelonës dhe vetë lojtari, i cili ndërroi fanellën me defekt gjatë pushimit të pjesës së parë./Demokracia.com/