UEFA ka shpallur formacionin më të mirë të javës në Ligën e Kampionëve, pas dy gjysmëfinaleve dramatike dhe spektakolare.

Interi dhe PSG siguruan biletat për finalen e madhe, pas fitoreve emocionuese ndaj rivalëve të tyre të mëdhenj.

Interi mposhti Barcelonën 4-3 pas vazhdimeve në një ndeshje epike në San Siro, ndërsa PSG triumfoi 2-1 ndaj Arsenalit për të prerë biletën për Mynih.

Më poshtë 11-shja më e mirë dhe arsyeja për secilin pse ka zënë vend në formacion.

Yann Sommer (Inter)

Realizoi shtatë pritje vendimtare ndaj Barcelonës, përfshirë dy ndërhyrje të jashtëzakonshme ndaj Eric García dhe Lamine Yamal. Goditjet e ndaluara kishin një xG të akumuluar prej 1.21, që nënvizon vlerën e paraqitjes së tij.

Achraf Hakimi (Paris Saint-Germain)

Neutralizoi Gabriel Martinellin në duelet një kundër një dhe shkëlqeu në sulm. Përveç golit të shënuar, ishte lojtari me më shumë mbajtje topi për Parisin (11) dhe përshkoi 1.2 km me vrapime të intensitetit të lartë.

Marquinhos (Paris Saint-Germain)

U shqua me shtatë largime topi, tre duele të fituara ajrore dhe ndaloi dy driblime. Përvoja e tij ishte vendimtare për të udhëhequr mbrojtjen ndaj Arsenalit.

Francesco Acerbi (Inter)

Me 11 spastrime dhe tre interceptime, ai jo vetëm mbrojti në mënyrë solide, por shënoi edhe golin e barazimit në kohën shtesë, duke i dhënë gjallëri Interit.

Gerard Martín (Barcelona)

Në vetëm ndeshjen e tij të dytë në fazën eliminatore të Ligës së Kampionëve, kontribuoi me dy asistime dhe 19 rikuperime topi, duke treguar intensitet dhe aftësi.

Nicolò Barella (Inter)

Përshkoi 16.36 km, realizoi 34 presione drejt kundërshtari dhe kishte 14 rikuperime topi – një paraqitje e jashtëzakonshme në mesfushë ndaj Barcelonës.

Frenkie de Jong (Barcelona)

I vlerësuar si “sensacional” nga Inzaghi, ai diktoi lojën e Barcelonës me pozicionimin dhe lëvizjet e tij, duke mbështetur vazhdimisht mbrojtjen dhe sulmin.

Fabián Ruiz (Paris Saint-Germain)

Shënoi një gol të bukur dhe ishte lidhja qetësuese midis mbrojtjes dhe sulmit të Parisit. Ai kontrolloi lojën me pasimet dhe pozicionimin e tij inteligjent.

Lamine Yamal (Barcelona)

Adoleshenti vazhdoi të impresionojë me driblimet dhe kreativitetin e tij, duke detyruar Sommer të realizonte një pritje të shkëlqyer në fund.

Lautaro Martínez (Inter)

Kapiteni shënoi golin e parë dhe fitoi penalltinë për të dytin, duke çuar Interin drejt finales me nëntë gola gjithsej këtë sezon.

Khvicha Kvaratskhelia (Paris Saint-Germain)

Kryesor në tranzicionet e Parisit kundër Arsenalit, kontribuoi në golin e dytë dhe goditi shtyllën. Realizoi gjithashtu 24 presione mbi mbrojtjen.

Formacioni