Presidenti i Serbisë, Aleksandar Vuçiq, tha sot se beson se problemi i serbëve të Kosovës që nuk duan të marrin pasaportën e Prishtinës do të zgjidhet në tetë muajt e ardhshëm.
“Po diskutohet, nuk mund t’ju premtoj sepse nuk është në dorën tonë, por besoj se do të zgjidhet në tetë muajt e ardhshëm. Ne kemi kohë deri më 1 janar për ta zgjidhur atë problem dhe besoj se do ta zgjidhim atë”, tha Vuçiq në aeroportin e Batajnicës, raporton Danas, përcjell Demokracia.com.