Në një konferencë të gjatë pas takimit me strukturat e tij ilegale në Kosovë, presidenti serb Aleksandar Vuçiq foli për shumë gjëra, në përpjekje për t’i akuzuar institucinet e Kosovës për pothuajse gjithçka.

Ndër tjerash, Vuçiq tha se ka informacione se para përshkallëzimit të marrëdhënieve ndërmjet Kosovës dhe Serbisë më 31 korrik, një grup çeçenësh dhe çerkezësh, të cilët janë kundërshtarë të regjimit të liderit çeçen Ramzan Kadyrov, kanë qëndruar në Kosovë, raporton Radio Evropa e Lirë.

Ai tha se detyra e tyre ishte ta vëzhgonin situatën në veri të Kosovës dhe t’i rekrutonin ushtarë potencialë për të luftuar në Ukrainë.