Pavarësisht bashkëpunimit ekonomik që kanë Serbia dhe Gjermania, paralajmërimet nga Evropa, drejtuar Aleksandar Vuçiqit dhe regjimit të tij, vazhdojnë të vijnë. E fundit i referohet faktit se gjatë konferencës për Kosovën, 12 kanale televizive njëkohësisht transmetonin adresimin e një njeriut – Presidentit të Serbisë.

Kryetari i Komisionit për Punë të Jashtme të Bundestagut Gjerman dhe anëtari i Komisionit të Partisë Socialdemokrate të Gjermanisë (SDP), Michel Roth, ka shpërndarë një postim në llogarinë e tij në Twitter, duke treguar një foto nga konferenca për media e presidentit serb Aleksandar Vuçiq për Kosovën.

Në fakt, nuk mund të shihni një foto, por 12 prej tyre, 12 televizione, duke përfshirë shërbimin publik RTS, të gjitha televizionet me frekuencë kombëtare, si dhe kanalet kabllore, transmetojnë njëkohësisht adresimin e Vuçiqit për qytetarët.

It’s overdue for the EU + U.S. to reshape the strategy regarding Western Balkans+Serbia. President Vučić undermines the guiding principles of the EU, he heats up nationalism + hatred. What we really need is brave leadership to foster reconciliation, rule of law + democracy. https://t.co/AiUHMj06xd

— Michael Roth – official 🇪🇺🇺🇦 (@MiRo_SPD) July 7, 2023

“Bashkimi Evropian dhe Shtetet e Bashkuara janë vonë për të riformuar strategjinë e tyre në lidhje me Ballkanin Perëndimor dhe Serbinë. Presidenti Vuçiq minon parimet e BE-së, nxit nacionalizmin dhe urrejtjen”, ka shkruar Roth dhe ka shtuar:

“Ajo që na nevojitet vërtet është një udhëheqje e guximshme që do të nxisë pajtimin, sundimin e ligjit dhe demokracinë.”

Nikola Burazer, drejtor programi i Qendrës për Politikë Bashkëkohore, thotë për Nova.rs se opinioni ndërkombëtar dhe vendimmarrësit në BE prej kohësh janë në dijeni të gjendjes në media në Serbi, por që deri më tani nuk ka pasur asnjë reagim.

“Tashmë ka gjithnjë e më shumë këto reagime dhe po bëhen më të mprehta. Kjo u ndikua edhe nga ndryshimet në shtetet anëtare, veçanërisht në Gjermani, ku Angela Merkel nuk është më një faktor kyç në mbështetje të Vuçiqit”, thotë Burazer.

Ai thekson se faktorët që ndikuan në ndryshimin e humorit tek zyrtarët e lartë ndërkombëtarë është në radhë të parë rënia e demokracisë në Serbi, si dhe fakti se nuk ka progres të madh në negociatat me Kosovën.

“Shumë përgjegjësi i takojnë Prishtinës, por as pala tjetër nuk tregon shumë vullnet”, shton Burazer.

Megjithatë, sipas tij, këto reagime janë shenjë e mirë për demokracinë në Serbi, e cila, siç thotë ai, do të jetë më “në radar” dhe do të flitet më shumë.

Një tjetër paralajmërim nga Evropa

Së fundmi, raportuesja e Parlamentit Evropian, Viola von Cramon, të cilën kryeministrja serbe, Ana Brnabiq pëlqen ta “tërheq” përmes tweeteve të saj, tha se është absolutisht absurde që të Gjelbërit gjerman të ndërhyjnë në problemet e brendshme të Serbisë, të cilat akuza janë bërë nga vetë presidenti Vuçiq, duke e akuzuar këtë parti për financimin e protestave në Serbi.

“Unë mohoj kategorikisht çdo akuzë se organizatat nga Gjermania, përfshirë partinë tonë të gjelbër dhe fondacionin tonë – Heinrich Boell Stiftung, po financojnë protestat në Serbi. Pretendime të tilla janë të pabaza dhe shërbejnë vetëm për të treguar se protestat nuk janë një reagim i sinqertë i popullit serb, i cili me të drejtë është i zemëruar me elitën në pushtet për mënyrën se si u përballën me tragjeditë e tmerrshme në maj”, tha von Cramon.

Kur bëhet fjalë për marrëdhëniet me Ministrinë e Jashtme gjermane, Viola von Cramon thotë se disponimi ka ndryshuar absolutisht që kur CDU e Angela Merkelit humbi pushtetin.

“Të Gjelbrit janë të njohur për politikën e tyre të jashtme parimore, që do të thotë – mbi të gjitha, shtet ligjor. Përmirësoni standardet tuaja demokratike, lejoni lirinë e medias, respektoni kritikët dhe organizatat joqeveritare, mbroni gazetarët, ndjekni penalisht të gjithë nga Jovanjica në Savamala, përfshihuni në një dialog konstruktiv me Kosovën dhe të gjithë që vijnë nga Serbia do të kenë mirëkuptim të madh në Berlin. Por, nëse pushoni prokurorët vetëm sepse ata janë atje për të ngacmuar skemat e korrupsionit “EPS” ose kanë një REM që mbetet i shurdhër ndaj Pink dhe Happy, atëherë ne kemi një problem thelbësor me bazamentin – lirinë e medias dhe sundimin e ligji”, tha ajo.

Ajo ka komentuar edhe skandalin diplomatik të shkaktuar nga ministri i Policisë, Bratislav Gashiq, kur praktikisht në seancën e Kuvendit të Serbisë tha se Gjermania po e mbron vrasësin Oliver Ivanoviq.

Von Cramon ka thënë se kjo deklaratë shpifëse e ish shefit të BIA-s, tash ministër i Brendshëm, do të ndikojë edhe më shumë në përkeqësimin e raporteve ndërmjet Berlinit dhe Beogradit.