Presidenti i Serbisë, Aleksander Vuçiq, sot nga Greqia ka folur për takimet që do t’i ketë nesër në Berlin, një me kancelarin gjerman, Olaf Scholz, dhe tjetrin me kryeministrin e Republikës së Kosovës, Albin Kurti, në praninë e emisarit të Bashkimit Evropian, Miroslav Lajçak.

Vuçiq ka thënë se ka tremë para këtyre takimeve, meqë sipas tij, bisedimet në kryeqendrën gjermanë s’do të jenë të lehta.

“Kam tremë, nuk do të ketë bisedime të lehta në Berlin”, ka thënë Vuçiq, raporton Tanjug.

Në Berlin nesër do të diskutohen veprimet e ardhshme kundër agresionit dhe luftës së Rusisë në Ukrainë dhe për dialogun Kosovë-Serbi.

Scholz në përkrahje të dialogut në Berlin ka ftuar edhe emisarin e BE-së, Miroslav Lajcak.

Rohde me detaje për takimet e nesërm në Berlin: Në mbrëmje Lajçak i bën bashkë Kurtin e Vuçiqin