Vëllai i nënkryetarit të Qeverisë së Federatës së Bosnjë-Hercegovinës dhe ministrit të Zhvillimit dhe Ndërmarrësisë, Vojin Mijatoviq, është vrarë dje në Beograd.

Siç raportojnë mediat e Beogradit, Gj. M. vdiq pasi u rrah nga huliganët në parkun e fëmijëve në Vozhdovac, përcjell Insajderi.

Trupi i pajetë është transportuar në Institutin e Mjekësisë Ligjore për obduksion.

Prokuroria e Lartë Publike në Beograd ka njoftuar sot se i ka dhënë urdhër policisë për identifikimin e pjesëmarrësve në ngjarje dhe mbledhjen e të gjitha të dhënave dhe informacioneve të nevojshme.