Një asteroid me madhësi mali do të kalojë afër Tokës sonte në një distancë prej rreth tetë milionë kilometrash dhe është një nga më të mëdhenjtë që i është afruar kaq shumë planetit tonë në 125 vitet e fundit.
Duhet mbajtur parasysh se është të paktën dhjetë herë më i vogël se shkëmbi më i madh që ka goditur ndonjëherë Tokën – asteroidi i famshëm Vredefort dhe pesë herë më i vogël se ai që zhduki dinosaurët nga faqja e planetit tonë 66 milionë vjet më parë, shkruan Live Science.
Edhe pse nuk përbën ndonjë kërcënim për Tokën, as tani dhe as në të ardhmen, është interesante sepse është një nga dhjetë më të mëdhenjtë që kanë kaluar pranë nesh që nga viti 1900, deklaroi Gianluca Masi, astrofizikani dhe drejtor i Projektit të Teleskopit Virtual, një njoftim të fundit.
Kalimi i asteroidit do të mund të ndiqet drejtpërdrejt përmes faqes VTP, ku ka një transmetim të drejtpërdrejtë të pamjes së qiellit nga observatori astronomik “Bellatrix” në Ceccan të Italisë.