Raportuesja për Kosovën në Parlamentin Evropian, Viola von Cramon ka thënë se qytetarët e Kosovës e meritojnë liberalizimin e vizave qe një kohë të gjatë.

Në një postim në Twitter, Von Cramon është e bindur se negociatat ndërmet Këshillit të Evropës dhe Parlamentit Evropian do të do të çojnë në miratim sa më të shpejt.

“Qytetarët e Kosovës e meritojnë liberalizimin e vizave qe një kohë të gjatë. Ne jemi të bindur se negociatat ndërmjet Këshillit të Evropës dhe Parlamentit Evropian si bashkë-ligjvënës do të jenë të shpejta dhe do të çojnë në miratim sa më shpejt të jetë e mundur”, ka shkruar Viola von Cramon në Twitter.

Cramon ka qenë një nga avokueset më të mëdha që qytetarët e Kosovës të udhëtojnë lirshëm në zonën Shengen, madje duke shndërruar atë edhe në një kauzë të saj si europarlamentare.

‘Citizens of #Kosovo 🇽🇰 deserve visa liberalisation for a long time. We are confident that the negotiations between @EUCouncil and @Europarl_EN as co-legislators will be swift and lead to adoption as soon as possible.’@RomeoFranz1 & mine statement 👇https://t.co/jN2nFeZ98Y

— Viola von Cramon 🇺🇦🇪🇺 (@ViolavonCramon) December 1, 2022

Parlamenti, Këshilli dhe Komisioni Evropian pritet të nisin shpejt diskutimet për përmbylljen e procesit të liberalizimit të vizave për qytetarët e Kosovës.

Më 30 nëntor, ambasadorët e vendeve të Bashkimit Evropian kanë miratuar në Këshill dokumentin për vizat, duke i dhënë mandatin Presidencës çeke që të nisë negociatat në Parlament.

Sipas vendimit, lëvizja pa viza për qytetarët e Kosovës do të jetë e mundur kur të hyjë në fuqi sistemi evropian i udhëtimit, ETIAS, dhe data për këtë është 1 nëntori i vitit 2023.

Por, në rast se do të ketë vonesa për këtë sistem, liberalizimi i vizave për Kosovën do të hyjë në fuqi jo më vonë se më 1 janar të vitit 2024.