Një ngjarje e rëndë ka ndodhur mbrëmjen e sotme në qytetin e Vlorës, pasi një shtetas italian është hedhur nga kati i tretë i banesës ku jetonte dhe për pasojë ka ndërruar jetë.

Ngjarja ka ndodhur rreth orës 18:00 në fshatin Cerkovinë dhe viktima është Daniele Amurro 55-vjeç.

Viktima kishte rreth një vit që jetonte në këtë fshat, ku kishte marrë një banesë ku jetonte me familjen.

Sipas policisë dyshohet se 55-vjeçari kishte shfaqur probleme të shëndetit mendor.

Njoftimi i policisë:

Vlorë/Informacion paraprak

Sot, rreth orës 18:00, në fshatin Cerkovinë, Vlorë, dyshohet se është vetëhedhur nga kati i tretë i banesës ku banonte, shtetasi italian D. A., rreth 55 vjeç, i cili si pasojë ka ndërruar jetë.

Grupi hetimor po punon për sqarimin e plotë të rrethanave të ngjarjes./abcnews.al