Bitcoin shënoi një rekord të ri duke kapur vlerën e më shumë se 63 mijë dollarësh.

Bitcoin ka arritur një rekord të ri me mbi 63 mijë dollarë të martën, ndërsa investitorët po përgatiten për listën e drejtpërdrejtë të shkëmbimit të monedhave kripto “Coinbase Global”.

Çmimi i bitcoin u rrit me 5% në 24 orët e fundit duke arritur 63 mijë e 171 dollarë, sipas të dhënave nga Coin Metrics, përpara se të ulej sërish në rreth 62mijë e 653 dollarë. Kjo është vetëm pak më pak se vlera e tregut të aksioneve të Apple (AAPL).

Ether, monedha e dytë më e vlefshme dixhitale pas bitcoin, gjithashtu vendosi një rekord të ri, duke u ngjitur në 2 mijë e 222 dollarë.

Edhe korporatat e mëdha po përqafojnë Bitcoin. Tesla e Elon Musk (TSLA) ka vendosur të investojë disa prej parave të saj të korporatave në Bitcoin dhe ta pranojë atë për disa blerje makinash. Firma e programeve kompjuterike MicroStrategy (MSTR) njoftoi të hënën se do të fillojë të paguajë tarifa për drejtorët e bordit të kompanisë të cilët nuk janë punonjës në Bitcoin në vend të parave të gatshme.

Aksionet e Silvergate Capital (SI), një bankë që specializohet në kredi dhe depozita të mbështetura nga kripto, janë më shumë se dyfishuar këtë vit.