COVID-19KosovaSot:0Të gjitha:272,214|Bota 650,702,814
Lajme
Vjosa Osmani nuk tregon respekt për besimet fetare, cakton ditën e zgjedhjeve në Krishtlindje
Demokracia
12:54 | 25 Nëntor 2022

Share:

Presidentja e vendit, Vjosa Osmani, ka caktuar datën 25 dhjetor për mbajtjen e zgjedhjeve të parakohshme për Kuvendin Komunal të Zveçanit dhe atë të Leposaviqit.

Por, me këtë ajo ka treguar mosrespekt për besimtarët katolikë të Kosovës, meqë në ditën e festës së Krishtlindjes ajo e ka caktuar mbajtjen e zgjedhjeve për kuvendet komunale në dy komuna, shkruan Demokracia.com.

Po ashtu, Krishtlindja është edhe festë zyrtare në Kosovë.

“Pas Vendimit të Qeverisë së Kosovës për shpërndarjen e Kuvendeve Komunale në Zveçan dhe Leposaviq, pas konsultimit me partitë politike dhe duke pasur parasysh që Komisioni Qendror i Zgjedhjeve të ketë kohë të mjaftueshme për organizimin dhe mbarëvajtjen e zgjedhjeve, Presidentja e Republikës së Kosovës, Vjosa Osmani, në përputhje me afatet dhe detyrimet ligjore, caktoi 25 dhjetorin, datë të zgjedhjeve të parakohshme për Kuvendin Komunal të Zveçanit dhe atë të Leposaviqit”, ka njoftuar Presidenca.

Ajo ka ftuar subjektet politike për fushatë të qetë, pa tensione, duke respektuar Kodin Elektoral dhe rivalët politikë.

Zgjedhjet për Kuvendin Komunal të Zveçanit dhe atë të Leposaviqit do të mbahen pas dorëheqjes së anëtarëve të kuvendeve komunale dhe shpërndarjes së tyre më 18 nëntor nga Qeveria e Republikës së Kosovës.

Të ngjashme