Trajneri i njohur kosovar, Ismet Munishi ka arritur marrëveshje me klubin, FC Prishtina.

Kjo u konfirmuar nga gruaja e Ismet Munishit, Flutra Hoxha Munishi, përmes një postimi në Facebook, shkruan Gazeta Express.

Ndërkohë, konfirmimi erdhi tani edhe prej vet Munishit, që bëri reagimin e parë si trajner i Prishtinës.

Ai e ndryshoi fotografinë e profilit në Facebook, duke vendosur logon e “Plisave”.

Ismet Munishi së fundmi ishte pjesë e Gjilanit, ndërsa nga edicioni i ri do të marrë drejtimin e ekipit kryeqytetas.

FC Prishtina pati një sezon për t’u harruar, duke luftuar për mbijetesë, krahas problemeve të mëdha financiare.