Kampioni i Botës me Italinë në futboll dhe një nga figurat më të njohura në historinë e klubit të Milanit, Rino Gattuso, ka qenë sot në Tiranë, në një vizitë surprizë.

Ka qenë kryetari i Bashkisë së Tiranës, Erion Veliaj, ai që ka zbuluar këtë vizitë të ish-mesfushorit të njohur italian në vendin tonë, teksa ka treguar se ai ishte këtu si pjesë e projektit të Tiranës si Kryeqyteti Europian i Rinisë për vitin 2022.

“Një surprizë e bukur nga i madhi Gennaro Gattuso – kampion i botës në futboll me Italinë dhe legjenda e Milanit – me të cilin thurëm plot ide të mira për gocat dhe çunat që merren me sport në Tiranë”, shkruante Veliaj në postimin e tij.