Një bombë e Luftës së Dytë Botërore ka shpërthyer në mënyrë të kontrolluar në Great Yarmouth, Britani të Madhe, pavarësisht ditëve të kaluara për ta çaktivizuar atë.
Përdoruesit e mediave sociale thanë se dëgjuan një zhurmë të fortë ndërsa disa ndërtesa kanë pësuar dëme të vogla materiale.
Momentin e shpërthimit e ka regjistruar me dron policia britanike, e cila ka njoftuar se nuk ka të lënduar.
Bomba, rreth një metër e gjatë dhe me peshë rreth 250 kg, u zbulua në Southtown Road nga një kontraktor që po punonte në ndërtimin e një ure të re mbi lumin Yare.
“Shumica e rrugëve janë rihapur në ato vende. Rruga e Southtown mbetet e mbyllur ndërkohë që janë kryer kontrollet e nevojshme të dëmeve”, njoftoi policia.
Puna për çaktivizimin e bombës, e cila ndodhej pranë dy tubacioneve të gazit, ka vazhduar që nga e marta.
The unexploded bomb in #GreatYarmouth detonated earlier during work to disarm it. Our drone captured the moment. We can confirm that no one was injured. Public safety has been at the heart of our decision making all the way through this operation, which we know has been lengthy. pic.twitter.com/9SaeYmHkrb
— Norfolk Police (@NorfolkPolice) February 10, 2023
